Taqdir taqozosi bilan «Baynalminal» (sobiq «Matonat») futbol klubi faoliyatini o'rganish imkoniyatiga ega bo'ldim. O'tgan yilning dekabrida ushbu jamoaning mashg'ulotlarini kuzatib, futbolchilardagi sportga xos optimizmni ko'rgach, hayratlandim. Yanvar oyi boshlarida esa «Baynalminal» futbol klubi prezidenti Qoriev Rustam Egamberdievich bilan uchrashganimda, u menga jamoa haqida quyidagilarni gapirib berdi.
- 1988 yili Afg'onistondagi janglarda jarohat olgan baynalminal-harbiylardan iborat nogiron-amputantlar klubi tuzilib, uni «Matonat» deb ataldi, - deydi jamoa mutasaddisi. - 1998 yili esa uning nomi «Baynalminal»ga o'zgartirildi. O'tgan vaqt mobaynida ushbu FK sportda yuksak natijalarni qo'lga kiritdi.
Qo'lga kiritilgan ulkan g'alabalar, xususan, Turkiya, Argentina va Rossiyada o'tkazilgan jahon chempionatlaridagi g'oliblikdan so'ng O'zbekiston Respublikasi Prezidenti Islom Karimov jamoa a'zolarini tabriklab, barcha sportchilarimizni taqdirladilar. «Baynalminal» FKga esa avtobus hadya qilindi.
O'zbekiston futbol federatsiyasi uchun bu jahon darajasidagi yulduzlar jamoasi hisoblanib, ular nogironlar futbolining rivojiga ulkan hissa qo'shishmoqda. Bir-biridan ajoyib g'alabalar esa o'zbekistonlik ishqibozlarga olam-olam quvonch ulashmoqda.
QO'LGA KIRITILGAN YuTUQLAR
1. 11 karra Rossiya ochiq chempionati g'olibi
2. 3 karra «Rojdestvo kubogi» sohibi
3. 3 karra «Rahmdillik kubogi» sohibi
Davomi InterFUTBOL gazetasi blogida.
— deya xabar beradi uff.uz nashri.