“Olmaliq“ jamoasining Toshkentda o'tayotgan uchinchi yig'ini reja asosida davom etmoqda. Kuniga ikki mahaldan mashg'ulotlarda ishtirok etayotgan futbolchilar mavsumga jiddiy hozirlik ko'rishmoqda. Ularning jismoniy tayyorgarligi murabbiylar tomonidan tahlil qilib borilmoqda. Jamoa mashg'ulotlar bilan bir qatorda nazorat o'yinlari ham o'tkazmoqda. Shu kungacha (uchinchi yig'in davomida) Tojikistonning "Istiqlol" jamoasi bilan 1:1, Farg'onaning "Neftchi" jamoasi bilan 1:0 hisoblari qayd etilganligini xabar bergandik. Navbatdagi uchrashuv ertaga Jizzaxning "So'g'diyona" jamoasiga qarshi bo'lib o'tadi. Bu o'yin Chilonzordagi sun'iy qoplamali maydonda 15:15da boshlanadi. Tarkibdagi o'zgarishlar borasida so'z yuritadigan bo'lsak, bugundan mashg'ulotlarda "Bunyodkor"dan Mirjamol Qosimov ham ishtirok etishni boshladi. Uchinchi yig'inda "Olmaliq" safida mashg'ulotlarda qatnashayotgan futbolchilardan birgina Sergey Rekunga javob berilgan. Ko'rikda bo'lgan futbolchilarning jamoada qolish yoki qolmasligiga ushbu yig'in yakunida aniqlik kiritiladi.
— deya xabar beradi uff.uz nashri.