AQSh terma jamoasi bosh murabbiyi Yurgen Klinsmann iste'foga chiqarilishi mumkin.
Xabar qilinishicha, Amerika Futbol Federatsiyasi rahbariyati terma jamoaning KONKAKAF Kubogidagi ishtirokidan norozi bo'lmoqda. AQSh terma jamoasi yarim finalda Yamaykadan mag'lubiyatga uchrab (1:2), uchinchi o'rin uchun Panamaga qarshi kechgan bahsda ham 1:1 hisobi qayd etib, penaltilar seriyasiga ko'ra imkoniyatni boy bergan.
Shuningdek amerikaliklar 2017 yilda Rossiyada bo'lib o'tadigan Konfederatsiyalar Kubogida ishtirok etish uchun Meksikaga qarshi pley off bahsida ham 2:3 hisobida mag'lubiyatga uchraganlar. Eslatib o'tamiz, Klinsmann 2011 yildan buyon AQSh terma jamoasida ishlab kelmoqda va 2014 yilgi jahon chempionatida 1/8 finalga qadar chiqishni uddalagan edi.

— deya xabar beradi uff.uz nashri.