Madridning “Real” jamoasida ajoyib an'ana mavjud.  Ya'ni eng ko'p uchrashuv o'tkazgan futbolchi klub sardori bo'ladi.  Biz “Qirollik klubi”ning oxirgi 60 yildagi 9 ta sardori haqida to'xtalib o'tishni joiz deb topdik.
 
Frantsisko Xento
Xento Madridliklar sharafini 1953-1971 yillar davomida himoya qilgan bo'lsa,  1961 yildan boshlab 8 yil davomida klubga sardor bo'lgan.  Xento dunyoning eng sovrindor futbolchilaridan biri hisoblanadi.  U “Qirollik klubi” bilan 12 marta La Liga chempioni bo'lib,  2 martadan Ispaniya kubogi va Lotin kubogida,  bir bora Qit'alararo kuboklarida zafar quchgan.  Shuningdek u Chempionlar kubogida 6 marta zafar quchgan yagona futbolchi sifatida tarixdan joy olgan.  Iqtidorli hujumchi “Real” uchun 181 ta gol urib,  klubning eng sermahsul 6-futbolchisi bo'lib turibdi.
 
Amaro Amansio
1971 yilda Xentodan so'ng sardorlik bog'ichi Amansioga nasib etdi va “Qirollik klubi”ga 5 yil davomida kapitanlik qildi.  Amaro Madriddagi faoliyatini 1962 yilda boshlagan edi.  U 14 mavsum davomida 471 uchrashuvda maydonga tushib o'z hisobiga 142 ta gol yozdirib qo'ygan.  Iqtidorli hujumchi jamoa bilan birga 9 karra Ispaniya chempioni,  3 karra Ispaniya superkubogi sohibi va bir marta Chempionlar kubogi g'olibiga aylandi.  1969 va 1970 yillarda esa qatorasiga ikki marta La Liga to'purariga atalgan sovrinni qo'lga kiritdi.
Davomi Furqat Yusupov blogida.
— deya xabar beradi uff.uz nashri.