Tarixga aylangan yilda shunday forvardlar ham paydo bo'ldiki, aynan ularning sa'y-harakatlarisiz etakchi chempionatlar nursizlanib qolishi aniq edi. Quyida ularning eng yaxshi 10 nafari bilan tanishasiz.
10. Gonsalo IGUAIN («Napoli») - 37 gol (62 uchrashuvda).
Yilni bir me'yorda o'tkazgan Gonsalo bahordayoq bor iqtidorini namoyish eta boshlagandi. Argentinalik futbolchi yilning 2-yarmida yanada «ochildi»: «A» seriyasining 17 uchrashuvida - 16 gol. Bu ko'rsatkich bilan raqobatchilaridan anchagina o'zib ketgan forvardga suyangan «Napoli» esa chempionlik uchun kurashga astoydil kirishdi. Sayyoramizning eng yaxshi forvardlari safidan joy olgan Iguain nishonni yanada aniqroq olganida natija bundan ham ijobiyroq bo'lishi mumkin edi-yu, ammo mana 5 yildirki u buning uddasidan chiqolmayapti.
8-9. Arits Aduris («Atletik») – 38 gol (54 uchrashuvda).
Bask sharobi kabi yil o'tgan sa­yin natijalarini yaxshilab borayotgan Adurisga qarab u 34 yoshni qarshilayotganiga ishongisi kelmaydi, kishining. Basklar o'lkasi futbol tarixining eng yaxshi bombardiri mana 5 yildirki «Furiya Roxa» sharafini himoya qilmayapti va ispaniyalik birorta mutaxassis bundan tashvishga tushgan, deb o'ylash noto'g'ri. Arits ajoyib zarbaga ega, yaxshi ochiladi, bosh bilan o'ynashiga gap yo'q, to'p uchun kurashda primeroning xohlagan himoyachisini dog'da qoldiradi. Bahorda la liganing eng yaxshi 5 goleadori orasida Adurisning nomi yo'q edi, hozir ham yo'q. Ammo yoshiga nisbatan ko'rsatayotgan stabil o'yin, har qanday darajadagi turnir bahsiga o'ta mas'uliyat bilan yondoshuv uni dunyoning eng yaxshi hujumchilaridan biriga aylantirgani shubhasiz.
8-9. Aleks Teysheyra («Shaxtyor») – 38 gol (42 uchrashuvda).
Yil davomida raqib darvozasini 38 bor mahv etish uchun braziliyalik hujumchiga 42 uchrashuvda maydonga tushishning o'zi etarli bo'ldi. Mamlakatda davom etayotgan murakkabliklar ichki birinchilik darajasiga jiddiy putur etkazgani ham bor gap, ammo UPL hamon Evropaning eng yaxshi 10 ligasidan biri bo'lib qolmoqda. Bu esa Aleks Teysheyra ro'yxatimizga bejiz kiritilmaganini isbotlaydi. Ichki birinchilikda Aleks kiritgan gollar soni maydonga tushgan o'yinlaridan ko'proq, ammo braziliyalik xavbek evrokuboklarda ham raqib darvozasini birday ishg'ol qilishdan charchamayapti. Yil yakunlariga ko'ra, Teysheyra bir nechta nominatsiya bo'yicha jahonning eng yaxshi 100 futbolchisi orasidan joy oldi, uni xarid qilish istagida bo'lganlar safiga esa «Yuventus», PSJ va «Chelsi»lar qo'shildi. Shunga qaramay, «Shaxtyor» o'zining so'nggi aktivini sotishga shoshilmayapti, bu yumushga qo'l urganida ham forvardning bahosi oldida Fernandinoning transferi hech narsa bo'lmay qolishi mumkin.
7. Neymar («Barselona») – 45 gol (62 uchrashuvda).
Bu erda ortiqcha izohga hojat yo'q - hammasiga o'zingiz guvoh bo'lgansiz. 2015 yilda Neymar va nihoyat, yilning eng yaxshilari safidan o'rin egalladi, «Oltin to'p»ga nomzod futbolchilarning biriga aylandi, 2015 yilning 2-yarmida dunyoning eng yaxshi futbolchisi ham so'zsiz u. Messi jarohati bois bir yil maydonga tushmaganida Neymar 60ta gol urishi aniq edi, deb hazillashishmoqda ispanlar. Ammo nima bo'lganda ham, 45 gol - ajoyib natija, ayniqsa Neymarday statistikiga etibor qaratmaydigan futbolchi uchun.
5-6. Per-Emerik Obameyang («Borussiya D») – 46 gol (57 uchrashuvda).
Gabonlik forvard Frantsiyada o'tkazgan bir nechta ajoyib mavsumidan so'ng Dortmundga ko'chib o'tdi. Biroq, shunga qaramay, yangi joyda Immobile va Adrian Ramoslarga qarshi oson bo'lmagan raqobatga bardosh berdi. Dastlab, Klop undan qanotlarda foydalandi, zahiradan o'yinga qo'shilgan bahslar ham kam bo'lmadi. Obameyang esa har qanday sharoitda stabil o'yin namoyish qilaverdi. Yangi mavsumda u «Borussiya»ning asosiy markaziy hujumchisiga aylandi. Obameyang hozir shunchalik ko'p to'p kirityaptiki, maqsadi Ronalduni ortda qoldirishday, go'yo. Bir paytlar «Milan»dan «chiqit»ga chiqarilgan futbolchi tomonidan bir yilda kiritilgan gollar «rossonerlar»ning barcha forvardlari urgan to'plardan ham ko'p.
5-6. Zlatan IBRAGIMOVICh (PSJ) - 46 gol (54 uchrashuvda).
34 yoshli shved qarishni istamayapti: Zlatanning zarbalari hamon darvozabonlar uchun muammo, 30 metrlardan bergan «zambarak o'qlari» esa nishonga aniq borib tushmoqda, jahonning eng yaxshi futbolchilaridan biri bo'lgan hujumchini to'xtatishga raqib himoyachilari ojiz. 2015 yilda Ibra evrokuboklarda u darajada samarali to'p surmagandir, biroq liga 1da raqiblar darvozasini aniq nishonga olish va termadagi gollari bo'yicha avvalgi yilgi natijalarini qaytara bildi. Aynan Ibra «Tre Krunur»ni Evro-2016ga chiqishida hal qiluvchi rol o'ynadi. Darvoqe, Zlatansiz o'tadigan turnir turnir bo'larmidi?!
4. Luis SUARES («Barselona») – 48 gol (57 uchrashuvda).
Urugvaylik superforvard muxlislari Messi va Neymarlar bor jamoada suyuklilari «yo'qolib» qolishidan xavf­sirashgani bor gap. Ammo jahonning eng yaxshi hujumchilaridan biri yilni a'lo darajada o'tkazdi. U hamon David Luisni tushlarida bezovta qilmoqda. Bir yilda 46ta to'p esa - so'zsiz hayratlanarli natija, ammo bu rekord jooriy yilda yangilansa ajablanmasdik.
Davomi InterFUTBOL gazetasi blogida.
— deya xabar beradi uff.uz nashri.