Madridning "Real" klubi hujumchisi Krishtianu Ronaldu hamon dunyoning eng qimmatbaho futbolchisi bo'lib qolmoqda. Bu borada u jamoadoshi Garet Beyldan ko'ra qimmatroq turgani ma'lum bo'ldi.
Yaqinda Garet Beylning transfer tafsilotlari internetda paydo bo'ldi. Unga ko'ra madridliklar yarim himoyachi uchun pulni bir necha bo'lakka bo'lib to'lagani xabar qilingan. "Tottenxem" ushbu to'lovning so'nggi qismini yozda olishi lozim. "Real" to'lagan barcha mablag' esa 100 million evro atrofida bo'ladi. Aniq raqam esa - 99 743 542 evro.
Ronaldu esa garchi "Real" tomonidan 97 million evroga sotib olingan bo'lsa-da, bu mablag' kredit evaziga olingani va madridliklar qo'shimcha foizlar bilan umumiy hisobda 104,7 million evro sarflashiga to'g'ri kelgani inobatga olinsa, Ronaldu uchun ko'proq to'langani ma'lum bo'ladi.
Eslatib o'tamiz, "Real" Ronaldu uchun "MYu"ga mablag'ni uchga bo'lgan holda to'lagan.
— deya xabar beradi uff.uz nashri.