Toshkentdagi yig'inni yakunlab, Farg'onaga qaytgan “Neftchi” futbolchilariga qisqa ta'til berilganini ma'lum qilamiz. Andrey Fyodorov shogirdlari 27 yanvar kuni Farg'ona qaytib kelishdi. Shundan so'ng jamoa vakillariga 30 yanvarga qadam xordiq berildi. Shanba kuni jamoa yana Qirgulidagi qarorgohda yig'ilib “Hokim kubogi-2016” oldidan mashg'ulot o'tkazadi.
Eslatib o'tamiz, “Neftchi-1” nomi ostida turnirda ishtirok etadigan Fyodorov shogirdlarining “Hokim kubogi-2016”dagi ilk raqibi “Yozyovon-Lochinlar” jamoasi hisoblanadi. Uchrashuv 31 yanvar kuni Qirgulidagi “Neftchi” SK stadionida bo'lib o'tishi reja qilingan. “Neftchi” PFK matbuot xizmati
— deya xabar beradi uff.uz nashri.