Londonning “Arsenal” klubi bosh murabbiyi Arsen Venger jarohatlangan futbolchilarning sog'lig'i borasida gapirib o'tdi. “Mertesaker diskvalifikatsiya qilingan, Kasorla va Uilsher jarohatlaridan tiklanishda davom etishmoqda. Qolganlar esa “Bernli”ga qarshi o'yinga tayyorgarlik ko'rmoqda. Jek va Santining tiklanish jarayoni yaxshi o'tmoqda, ammo optimal sport formaga kelish uchun ularga bir-ikki hafta talab etiladi. Uelbek hali maydonga tushishga tayyor emas, unga ham biroz vaqt kerak. Koklen bo'lsa maydonga tushishga tayyor. U 2 haftadan beri umumiy guruh bilan shug'ullanyapti. Rositski ham optimal sport formaga kelgan”, – deydi Venger.
— deya xabar beradi uff.uz nashri.