Bilasiz, O'zbekiston Osiyoda etkachi futbol mamlakatlari qatorida e'tirof etiladi. Hali biror marta ham mundial final bosqichida ishtirok etmagan bo'lsak-da, bir qator kuchli chempionatlarda to'p suradigan legioner futbolchilarga ega terma jamoamiz bor. To'g'ri, “Oq bo'rilar” deya ataluvchi mazkur terma jamoa hali biror ulkan muvaffaqiyatga erishganicha yo'q. Lekin yaqin vaqt ichida biz tomonlarda ham bayram bo'lib qolishiga umid qilsak bo'ladi. Zero so'nggi yillarda yurtimizda ajoyib iste'dodga ega yosh futbolchilar voyaga etib kelmoqda. Oliy Ligadagi o'yinlari orqali terma jamoa safiga jalb etilayotgan o'yinchilar esa tez fursat ichida xorij klublaridan ham taklif olishmoqda.
Bunga yaqqol misol sifatida dastlab “Bunyodkor” etakchisiga aylangan Sardor Rashidovni keltirsak bo'ladi. “O'zbek Ronaldusi” “qaldirg'ochlar” tarkibida ko'rsatgan ajoyib o'yinlari orqali o'zi uchun terma jamoa eshiklarini “ochdi”. Avstraliya yashil maydonlarida o'tgan Osiyo kubogidagi yorqin o'yindan so'ng esa Rashidov xorij jamoalari e'tiborini ham o'ziga qarata oldi. Endilikda siz-u biz ushbu futbolchining Qatar Yulduzlar Ligasida ham yaxshi o'ynayotganiga guvoh bo'lib turibmiz.
Sardor Rashidov singari xorijiy ligalarda faoliyat olib borayotgan o'zbekistonlik futbolchilar soni oz emas. Osiyo va Evropaning bir qator mamlakatlarida milliy terma jamoamizga nomzod futbolchilar o'ynashmoqda. Biz esa mana shu o'yinchilardan iborat legionerlar ramziy terma jamoasini tuzishga qaror qildik.
Darvozabon: Aleksandr Lobanov (“Persepolis”, Eron)
Lobanovning “Persepolis” safiga borib qo'shilganiga hali ko'p vaqt bo'lganicha yo'q. “Paxtakor” darvozasini qo'riqlab kelgan ushbu posbon so'nggi vaqtlarda milliy terma jamoamizda birinchi raqamli golkiperga aylanib oldi. Natijada uni Osiyoda ham taniy boshlashdi. 30 yoshida esa Aleksandr Lobanov legionerga aylandi. Darvozabonlar bilan bog'liq muammoga duch kelgan Eron klubi aynan Lobanovni xarid qilish orqali ushbu kemtikni yopishni rejalashtirgan. Umid qilamizki, tajribali darvozabon yangi klubida ishonchli o'yin ko'rsatadi va o'zbek darvozabonlarining ham yaxshi legioner bo'la olishini isbotlaydi.
Himoyachilar: Anzur Ismoilov (“Chanchun Yatay”, Xitoy), Vitaliy Denisov (“Lokomotiv M”, Rossiya), Egor Krimets (“Beyjing Guoan”), Shavkat Mullajonov (“Al Shaab”, BAA)
Davomi Sports.Uz blogida.
— deya xabar beradi uff.uz nashri.