Millionlar o'yinida nom qozonishning yo'llari ko'p. Kimdir mahorat orqali shuhratga erishadi, boshqa birov umuman o'zgacha ish tutadi. Qolaversa, futbolchilar orasida ham boshqa kasb egalariga havas qiladiganlar etarli. Quyida aynan shunday buyuklardan tuzilgan o'ziga xos reyting havola etilmoqda.
Eng buyuk qo'shiqchi
Futbol qiroli sifatida tan olingan Pelening Braziliyada bir nechta albomi sotuvga chiqqan. «Maestro»ko'proq samba yo'nalishida ijod qilardi.
...piyonista
Sobiq hujumchi, ingliz Pol Gaskoyn o'yinlar arafasida giyohvand modda va 9 stakancha (!) brendi iste'mol qilib maydonga tushganini ochiq tan olgan. Boz ustiga, faoliyatidagi «shedevr» gollarida mastlikning ulushi borligini ham alohida ta'kidlagan. Ba'zi uchrashuvlardan oldin esa birgina qizib olish uchun naq ikki shisha viski ichgan ekan. Bular hali holva – bordi-yu, jamoasi mag'lubiyatga uchrasa, Gazza bir o'tirishda 13-15 shisha pivo bilan alamidan chiqqan.
...soch turmagi
Fenomen maqomiga ega braziliyalik Ronaldoning JCh-2002 finalida ko'z-ko'z qilgan soch turmagi el og'ziga tushdi. Aynan uning ijodi Angliyaning «The Sun» nashri tomonidan futbol tarixidagi eng yaxshi soch turmagi, deb tan olingan.
...aldoqchi
1986 yili Meksikada o'tgan JChda argentinalik Diego Maradona inglizlar darvozasini qo'li bilan ishg'ol qilib, butun boshli hakamlar brigadasi qulog'iga «lag'mon osgan»di.
Davomi Furqat Yusupov blogida.
— deya xabar beradi uff.uz nashri.