Kievning «Dinamo» klubi sobiq hujumchisi Maksim Shatskix marhum Valentin Belkevichning xotirasiga bag'ishlab o'tkazilgan o'yinda ishtirok etdi va u haqidagi xotiralarini aytib berdi.
- Valentin ko'pchilik uchun kamgap inson tuyulardi. Ammo maydon tashqarisida u juda quvnoq edi va kam gapirsa hamki, har doim kerak gapni aytgan. Bekorchi safsatalar bilan shug'ullanmasdi.
Men u bilan  10 yil bir xonada istiqomat qildim va uni to'liq bilardim. Garchi kam holatlarda hissiyotlarini ko'rsatsa-da, o'sha holatlarga guvoh bo'lganman.
Uning bir gapini hech qachon unutmayman. U menga: «Sen oldinga yuguraver, men o'zim to'pni kerak joyga etkazib beraman. Eng muhimi - sen yugur», - der edi. U mening qalbimda eng iqtidorli, quvnoq, aqlli va yaxshi do'st sifatida qoladi, - deydi Shatskix.
— deya xabar beradi uff.uz nashri.