"Liverpul" jamoasi bosh murabbiyi Yurgen Klopp hujumchi Daniel Starrijning kelajagi haqida to'xtalar ekan, uning klubda qolishiga kafolat bera olmasligini aytib o'tdi. "Starrij ko'p jarohat olayotgani yaxshi emas. Uning holati ba'zida yaxshilanmoqda, ba'zida esa yo'q. U doimo jarohat olayaptimi, demak sog'lig'ida muammolar bor. Menda o'ylash kerak bo'lgan muammolar etarli. Agar bunday holatlar davom etsa, uning "Liverpul"da qolishiga kafolat bermayman", - deydi 48 yoshli germaniyalik mutaxassis. Kuni kecha, Starrij "mersisaydliklar" safida o'tkazgan 1121 kundan 614 kun jarohatda bo'lganligi xabar qilingandi. Eslatib o'tamiz, angliyalik futbolchi "qizillar" tarkibida 72 o'yinda maydonga tushib, 44 ta gol kiritgan.
— deya xabar beradi uff.uz nashri.