“Olmaliq“ yoshlar jamoasi navbatdagi nazorat o'yinini o'tkazdi. “Olmaliq“ yoshlariga bu gal birinchi liga vakili "Paxtakor"-2 sparring raqib vazifasini o'tadi. Chilonzordagi sun'iy qoplamali maydonda o'tgan bahsda yosh paxtakorchilar 1:0 hisobida g'alabaga erishdi. A'zam Sherg'oziev murabbiyligida mavsumga tayyorgarlik ko'rayotgan yoshlar jamoamizga ko'rik hamon davom etmoqda. Bu o'yinda ham bir necha futbolchi sinab ko'rildi. Afsuski, jamoani tark etgan yoshlar o'rniga hozircha munosib nomzodlar topilmayapti. Shu sababli, yoshlar jamoasi uchun ko'rik mavsum boshlangunga qadar davom etadi.
— deya xabar beradi uff.uz nashri.