Dortmundning "Borussiya" jamoasi hujumchisi Per-Emerik Obameyang to'purarlik borasida Gerd Myullerning rekordini yangilamoqchi ekanini aytib o'tdi. Shuningdek, "Bavariya" futbolchisi Robert Levandovskining sermahsulligi uni qiziqtirmasligini ta'kidladi. "Levandovski? U nechta gol kiritgani meni umuman qiziqtirmaydi. Asosiysi, men jamoaga foyda keltiryapman. Gollarni esa mavsum yakunida sanaymiz", - deydi gabonlik hujumchi. Eslatib o'tamiz, Obameyang Germaniya chempionatida 19 o'yinda 20 ta gol urgan. Polshalik esa 17 uchrashuvda 17 ta gol kiritgan. Ma'lumot o'rnida, Bundesliganing 1971/72 yilgi mavsumda Gerd Myuller 40 ta gol kiritib, bir mavsumda to'purarlik bo'yicha rekord o'rnatgan.
— deya xabar beradi uff.uz nashri.