Tavsiya qilamiz:
UzBARCA.COM - FC Barcelona Muxlislar sayti !!!
" Real madrid " muxlislari sayti !!!
"FUTBOL TV " Yangiliklar !!
" Real madrid " muxlislari sayti !!!
"FUTBOL TV " Yangiliklar !!
Jaloliddin Masharipov: Futbolchi barchasini o'z o'yini bilan isbotlaydi (InterFUTBOL blogi)
O'zbekiston olimpiya termasi Qatardagi qit'a birinchiligida juda yomon ishtirok etdi. Ammo tarkibdagi barcha futbolchilarga birdek e'tiroz bildirish o'rinli emas. Deylik, Jaloliddin Masharipov faol to'p surgan o'yinchilarimizdan bo'ldi.
Yarim himoyachi maydonga tushgan vaqt sira tinim bilmadi va jamoa o'yinini kuchaytirishga intildi. Biroq hamma yaxlit kuch o'laroq birlashmas ekan, yaxshi natijaga erishish qiyin. Buni olimpiyachilar misolida ham ko'rdik. Jaloliddin bilan suhbatimiz Doxadan ortga qaytish vaqtiga to'g'ri keldi.
OSIYo ChEMPIONATI
- Jaloliddin, Osiyo chempionati haqida qanday fikr bildira olasiz? Musobaqa boshida favoritlar safida ko'rsatilgan termamiz nega bunchalik past natija qayd etdi?
- Futbolda to'xtovsiz g'alaba qozonish qiyin. Hattoki, «Barselona» ham mag'lubiyatga uchrab turadi. Doimo o'zi o'ylagan natijaga erishadigan jamoaning o'zi yo'q. Afsuski, biz o'z saviyamizda o'ynolmadik. Agar ichki salohiyatimizni to'liq namoyish etganimizda, butkul boshqacha natija bo'lardi. Ha, Qatarga Olimpiada yo'llanmasi uchun kelgan edik. Biroq nimalarga qodirligimizni amalda ko'rsatolmadik.
- Misol uchun, Iroq termasiga qarshi uchrashuvda hisob tenglashganidan so'ng hujumga zo'r bermasdan raqib shashtini tushirish uchun ozgina himoyada o'ynash kerakmi-di...?
- Yo'q, bunga qo'shilmayman. Zero, durang bizni qoniqtirmasdi. Bu holatda taqdirimiz boshqalar o'yiniga bog'liq bo'lib qolardi. Shu sababli, baribir, hujum qilishimiz shart edi. Afsuski, omad har doim yoningizni olmaydi. Iroqliklarning uchinchi golida qanot hakami kerak emas vaqtda bayrog'ini ko'tarib, himoyachilarimizni tushunarsiz ahvolga solib qo'ydi. Bu ham omadsizlik belgisi. Eng alam qiladigani, raqib futbolchilari aslida bizdan ancha cho'chib turgandilar. Ular bilan bitta mehmonxonaga joylashgandik va iroqliklarning hayiqib turishgani sezilayotgandi. Afsuski, shu ruhiy ustunlikdan foydalanolmadik. Deylik, Toshkentda o'tkazilgan o'rtoqlik o'yinida shu jamoani mag'lubiyatga uchratganmiz. O'shanda bu ishni ortiqcha muammosiz uddalaganmiz. Buni bemalol yana takrorlashimiz mumkin edi. Qisqasi o'sha kuni nima bo'ldi, o'zimiz ham tushunmadik...
- Yaman termasi bilan bo'lgan so'nggi tur o'yinida gol urdingiz, ammo bu vaqtda guruhdan chiqolmasligimiz oydinlashib ulgurgandi...
- O'zimga ham shunisi alam qildi. Muxlislar oldida uyalib qoldik. Endi aybimizni kelgusi musobaqalarda yuvishimiz shart. Buning uchun qo'limizdan kelgan barcha ishni amalga oshiramiz. Bizda hali imkoniyatlar ko'p bo'ladi, bunga ishonaman.
QATAR
- Qatardagi sharoitlar haqida juda iliq gaplar aytilmoqda. Shu vaqtga qadar ko'plab musobaqalarda ishtirok etgan futbolchi sifatida barchasini o'zaro solishtirib, bu haqda nima deya olasiz?
- Ha, Qatardagi sharoitlar jahon standartlari darajasida. Tashkilotchilik jihatidan esa, biz ishtirok etgan jahon chempionatidan ham yaxshiroq, deb bemalol ayta olaman. Qatar boy davlat va buni har qadamda namoyish etmoqda. Boz ustiga, qatarliklar 2022 yilgi jahon chempionatini qabul qilishga ham tayyorlanishyapti. Demak, FIFA talablariga mos kelishlarini isbotlab berishlari kerak. Shuning uchun ham bu erda hammasi a'lo darajada yo'lga qo'yilgan, deb o'ylayman. Ayniqsa, bolalar sporti uchun yaratilgan sharoitlarni ko'rib, hayron qoldim. Qatarda nafaqat futbol, balki boshqa sport turlari uchun ham ko'pgina qulayliklar yaratilgan.
- Barcha o'yinlar bitta shaharda o'tkazilganiga nima deysiz?
- Shu tomonlama biroz zerikarli bo'ldi. Masalan, Turkiyada o'tgan jahon chempionatida turli shaharlarga borgan, ko'p joylarni ko'rgandik. Ya'ni hammasi juda qiziqarli kechgan edi. Lekin Qatar asosan bitta shahardan iborat davlat ekanligini ham unutmaslik lozim.
FUTBOLDAGI ILK QADAM
- Futbolga qanday sharoitda kirib kelgansiz? Endi shu haqda gapirib bersangiz...
- O'zim Xorazmdanman. U vaqtlar futbolga yaratilgan sharoitlar hozirgidek emasdi. Ayni payt o'zimizda ham bolalar futboliga katta e'tibor qaratilyapti, yangi maydonlar qurilyapti. Ammo oldin Xorazmdagi sharoitlar u qadar yaxshi emasdi. Masalan, shaxsan men futbol o'ynashni ko'chada boshlaganman. Braziliya terma jamoasiga ishqibozlik qilardim va ayniqsa, Ronaldoning harakatlaridan hayratlanardim. Shu qadar muxlis edimki, hatto sochimni ham unikiga o'xshatib oldirganman. Yodingizdami, Ronaldo 2002 yilgi jahon chempionatida sochining faqat old qismini kokilga o'xshatib qoldirib, orqasini to'liq qirtishlab tashlagandi. Men ham shunday soch turmagi qildirgandim. Shu turishda ko'cha changitib futbol o'ynab yurardik.
- Futbol maktabiga borishingizga kim turtki bergan?
- Ilk murabbiyim - Olimboy aka Davletov. U kishi o'yinimni ko'rib, futbolchi bo'la olishimni aytgandi. Hatto ota-onamni ko'ndirish uchun uyimizga borgandi. Ota-onamga mendan futbolchi chiqishiga va'da berib, uydan olib chiqib ketgan. Umuman, Olimboy aka menga juda ko'p yaxshiliklar qilgan, futboldagi ilk darsni aynan shu kishidan olganman.
«PAXTAKOR»
- «Paxtakor»ga kelishingiz tarixi qanday?
- 11 yoshimda Jizzax shahrida o'tkazilgan respublika miqyosidagi musobaqada ishtirok etganmiz. O'shanda jamoamiz tarkibida men bilan birga Jamshid Iskanderov ham bor edi. «Paxtakor»dan Samvel Babayanning shaxsan o'zi o'yinimizni kuzatgan ekan, Jamshid bilan ikkimizga taklif bilan chiqqan. Shunday qilib, «Paxtakor» maktabiga kelganmiz.
- Yosh bo'lgan ekansiz, uydan uzoqda yurish og'irlik qilmaganmi?
- Futbol uchun chidashga to'g'ri kelgan. Deyarli har bir futbolchining qismatida bor bu narsa. O'z uyi, oilasi oldida o'ynash hammaga ham nasib qilavermaydi, axir.
- Shuncha yil «Paxtakor»da to'p surdingiz. Jamoani o'zgartirish niyatingiz yo'qmi? Xorijdan takliflar tushmayaptimi?
- Taklif bor, ammo «Paxtakor»dan ketish niyatim yo'q. Jamoa meni tarbiyalab, voyaga etkazdi. Futbolchi bo'lishimda klubning hissasi juda katta. Agar o'shanda «Paxtakor»ga kelmaganimda, taqdirim qanday kechardi, bilmayman. Shunday ekan, endi qarzlarni uzish vaqti keldi. To «Paxtakor»dagilar boshqa jamoaga ketishimga o'zlari rozi bo'lishmas ekan, shu erda o'ynayveraman. Faqat xorijning kuchliroq klublaridan taklif tushsa va u hammani qoniqtirsa, ya'ni menga oq yo'l tilashsa, shundagina ketishim mumkin. Ungacha «Paxtakor» bilan ko'plab musobaqalarda g'olib chiqishni istayman.
Davomi InterFUTBOL gazetasi blogida.
— deya xabar beradi uff.uz nashri.
Yarim himoyachi maydonga tushgan vaqt sira tinim bilmadi va jamoa o'yinini kuchaytirishga intildi. Biroq hamma yaxlit kuch o'laroq birlashmas ekan, yaxshi natijaga erishish qiyin. Buni olimpiyachilar misolida ham ko'rdik. Jaloliddin bilan suhbatimiz Doxadan ortga qaytish vaqtiga to'g'ri keldi.
OSIYo ChEMPIONATI
- Jaloliddin, Osiyo chempionati haqida qanday fikr bildira olasiz? Musobaqa boshida favoritlar safida ko'rsatilgan termamiz nega bunchalik past natija qayd etdi?
- Futbolda to'xtovsiz g'alaba qozonish qiyin. Hattoki, «Barselona» ham mag'lubiyatga uchrab turadi. Doimo o'zi o'ylagan natijaga erishadigan jamoaning o'zi yo'q. Afsuski, biz o'z saviyamizda o'ynolmadik. Agar ichki salohiyatimizni to'liq namoyish etganimizda, butkul boshqacha natija bo'lardi. Ha, Qatarga Olimpiada yo'llanmasi uchun kelgan edik. Biroq nimalarga qodirligimizni amalda ko'rsatolmadik.
- Misol uchun, Iroq termasiga qarshi uchrashuvda hisob tenglashganidan so'ng hujumga zo'r bermasdan raqib shashtini tushirish uchun ozgina himoyada o'ynash kerakmi-di...?
- Yo'q, bunga qo'shilmayman. Zero, durang bizni qoniqtirmasdi. Bu holatda taqdirimiz boshqalar o'yiniga bog'liq bo'lib qolardi. Shu sababli, baribir, hujum qilishimiz shart edi. Afsuski, omad har doim yoningizni olmaydi. Iroqliklarning uchinchi golida qanot hakami kerak emas vaqtda bayrog'ini ko'tarib, himoyachilarimizni tushunarsiz ahvolga solib qo'ydi. Bu ham omadsizlik belgisi. Eng alam qiladigani, raqib futbolchilari aslida bizdan ancha cho'chib turgandilar. Ular bilan bitta mehmonxonaga joylashgandik va iroqliklarning hayiqib turishgani sezilayotgandi. Afsuski, shu ruhiy ustunlikdan foydalanolmadik. Deylik, Toshkentda o'tkazilgan o'rtoqlik o'yinida shu jamoani mag'lubiyatga uchratganmiz. O'shanda bu ishni ortiqcha muammosiz uddalaganmiz. Buni bemalol yana takrorlashimiz mumkin edi. Qisqasi o'sha kuni nima bo'ldi, o'zimiz ham tushunmadik...
- Yaman termasi bilan bo'lgan so'nggi tur o'yinida gol urdingiz, ammo bu vaqtda guruhdan chiqolmasligimiz oydinlashib ulgurgandi...
- O'zimga ham shunisi alam qildi. Muxlislar oldida uyalib qoldik. Endi aybimizni kelgusi musobaqalarda yuvishimiz shart. Buning uchun qo'limizdan kelgan barcha ishni amalga oshiramiz. Bizda hali imkoniyatlar ko'p bo'ladi, bunga ishonaman.
QATAR
- Qatardagi sharoitlar haqida juda iliq gaplar aytilmoqda. Shu vaqtga qadar ko'plab musobaqalarda ishtirok etgan futbolchi sifatida barchasini o'zaro solishtirib, bu haqda nima deya olasiz?
- Ha, Qatardagi sharoitlar jahon standartlari darajasida. Tashkilotchilik jihatidan esa, biz ishtirok etgan jahon chempionatidan ham yaxshiroq, deb bemalol ayta olaman. Qatar boy davlat va buni har qadamda namoyish etmoqda. Boz ustiga, qatarliklar 2022 yilgi jahon chempionatini qabul qilishga ham tayyorlanishyapti. Demak, FIFA talablariga mos kelishlarini isbotlab berishlari kerak. Shuning uchun ham bu erda hammasi a'lo darajada yo'lga qo'yilgan, deb o'ylayman. Ayniqsa, bolalar sporti uchun yaratilgan sharoitlarni ko'rib, hayron qoldim. Qatarda nafaqat futbol, balki boshqa sport turlari uchun ham ko'pgina qulayliklar yaratilgan.
- Barcha o'yinlar bitta shaharda o'tkazilganiga nima deysiz?
- Shu tomonlama biroz zerikarli bo'ldi. Masalan, Turkiyada o'tgan jahon chempionatida turli shaharlarga borgan, ko'p joylarni ko'rgandik. Ya'ni hammasi juda qiziqarli kechgan edi. Lekin Qatar asosan bitta shahardan iborat davlat ekanligini ham unutmaslik lozim.
FUTBOLDAGI ILK QADAM
- Futbolga qanday sharoitda kirib kelgansiz? Endi shu haqda gapirib bersangiz...
- O'zim Xorazmdanman. U vaqtlar futbolga yaratilgan sharoitlar hozirgidek emasdi. Ayni payt o'zimizda ham bolalar futboliga katta e'tibor qaratilyapti, yangi maydonlar qurilyapti. Ammo oldin Xorazmdagi sharoitlar u qadar yaxshi emasdi. Masalan, shaxsan men futbol o'ynashni ko'chada boshlaganman. Braziliya terma jamoasiga ishqibozlik qilardim va ayniqsa, Ronaldoning harakatlaridan hayratlanardim. Shu qadar muxlis edimki, hatto sochimni ham unikiga o'xshatib oldirganman. Yodingizdami, Ronaldo 2002 yilgi jahon chempionatida sochining faqat old qismini kokilga o'xshatib qoldirib, orqasini to'liq qirtishlab tashlagandi. Men ham shunday soch turmagi qildirgandim. Shu turishda ko'cha changitib futbol o'ynab yurardik.
- Futbol maktabiga borishingizga kim turtki bergan?
- Ilk murabbiyim - Olimboy aka Davletov. U kishi o'yinimni ko'rib, futbolchi bo'la olishimni aytgandi. Hatto ota-onamni ko'ndirish uchun uyimizga borgandi. Ota-onamga mendan futbolchi chiqishiga va'da berib, uydan olib chiqib ketgan. Umuman, Olimboy aka menga juda ko'p yaxshiliklar qilgan, futboldagi ilk darsni aynan shu kishidan olganman.
«PAXTAKOR»
- «Paxtakor»ga kelishingiz tarixi qanday?
- 11 yoshimda Jizzax shahrida o'tkazilgan respublika miqyosidagi musobaqada ishtirok etganmiz. O'shanda jamoamiz tarkibida men bilan birga Jamshid Iskanderov ham bor edi. «Paxtakor»dan Samvel Babayanning shaxsan o'zi o'yinimizni kuzatgan ekan, Jamshid bilan ikkimizga taklif bilan chiqqan. Shunday qilib, «Paxtakor» maktabiga kelganmiz.
- Yosh bo'lgan ekansiz, uydan uzoqda yurish og'irlik qilmaganmi?
- Futbol uchun chidashga to'g'ri kelgan. Deyarli har bir futbolchining qismatida bor bu narsa. O'z uyi, oilasi oldida o'ynash hammaga ham nasib qilavermaydi, axir.
- Shuncha yil «Paxtakor»da to'p surdingiz. Jamoani o'zgartirish niyatingiz yo'qmi? Xorijdan takliflar tushmayaptimi?
- Taklif bor, ammo «Paxtakor»dan ketish niyatim yo'q. Jamoa meni tarbiyalab, voyaga etkazdi. Futbolchi bo'lishimda klubning hissasi juda katta. Agar o'shanda «Paxtakor»ga kelmaganimda, taqdirim qanday kechardi, bilmayman. Shunday ekan, endi qarzlarni uzish vaqti keldi. To «Paxtakor»dagilar boshqa jamoaga ketishimga o'zlari rozi bo'lishmas ekan, shu erda o'ynayveraman. Faqat xorijning kuchliroq klublaridan taklif tushsa va u hammani qoniqtirsa, ya'ni menga oq yo'l tilashsa, shundagina ketishim mumkin. Ungacha «Paxtakor» bilan ko'plab musobaqalarda g'olib chiqishni istayman.
Davomi InterFUTBOL gazetasi blogida.
— deya xabar beradi uff.uz nashri.
Bosh sahifaga
606