Madridning «Real» klubi hujumchisi Krishtianu Ronaldu «Espanol»ga qarshi kechgan uchrashuvdan so'ng fikrlarini bildirib o'tdi.
- Aynan shunday g'alaba bizga juda kerak edi. «Real» ajoyib o'yin namoyish qildi. Shu o'rinda Zayniddin Zidan tomonidan amalga oshirilgan fenomenal ishni alohida ta'kidlab o'tish lozim. Biz jismonan o'zimizni ancha yaxshi his qilmoqdamiz.
Ha, to'rtinchi goldan so'ng biz ancha sekinlashib qoldik. Ammo yaqinda «Betis»ga qarshi og'ir o'yin o'tkazganimizni inobatga olsak, bu tabiiy hol. Navbatdagi xet-trikni nishonlaganimdan mamnunman. Ammo eng muhimi - jamoamiz g'alabasi. Biz mana shu yo'nalishda davom etishimiz va «Barselona» hamda «Atletiko» haqida umuman o'ylamasligimiz kerak, - deydi Ronaldu.
— deya xabar beradi uff.uz nashri.