Myunxenning «Bavariya» klubi bosh murabbiyi Xosep Gvardiola jamoa mudoffasidagi qiyin vaziyat haqida so'zlab berdi. Bilasiz, nemis grandi jarohat sababli Jerom Boateng va Xavi Martinesning xizmatlaridan foydalana olmaydi.
«Bizda muammoalar bor — ayni paytda yagona markaziy himoyachi Xolger Badshtuberning xizmatidan foydalanamiz. Tez orada Mexdi Benatianing safga qaytishidan umidvormiz.
Biroq bizda Noyer qiyofasida yaxshigina himoyachi bor. Unda bu chiziqda o'ynash uchun etarli tajriba bor. Bundan tashqari, markaziy himoyada o'ynay olishi mumkin bo'lgan boshqa futbolchilar variantini ham ko'rib chiqyapmiz. Masalan, Joshua Kimmix», — dedi Gvardiola.

— deya xabar beradi uff.uz nashri.