O'zbekistonlik yarim himoyachi Shohruh Gadoev Baxraynning “Muharraq” klubi tarkibiga borib qo'shildi va ushbu jamoa tarkibida 31 yanvar kuni o'z debyut uchrashuvini o'tkazdi.
Qarshining “Nasaf” klubi sobiq futbolchisi “Muharraq”ning Qirol Kubogi chorak finali doirasidagi “Manama” klubiga qarshi kechgan uchrashuvida asosiy tarkibda maydonga tushib, o'z debyutini nishonladi. Shohruh to'liq harakat qilgan o'yinda uning jamoasi 6:2 hisobida yirik g'alabaga erishdi va Qirol Kubogi yarim finaliga yo'l oldi.
Shohruh Gadoev yangi klubi tarkibida 24-raqam ostida harakat qilmoqda.
Ta'kidlash kerakki, 24 yoshli futbolchi O'zbekiston milliy terma jamoasi safida shu vaqtga qadar 12 uchrashuvda maydonga tushib, bir golga mualliflik qilgan.
— deya xabar beradi uff.uz nashri.