Bugun bo'lib o'tgan “Nasaf” – “Neftchi” 1:0 uchrashuvidan so'ng an'anaviy matubot anjumani o'tkazildi. Matbuot anjumanining dastlabki qismida “Neftchi” jamoasi bosh  murabbiyi Andrey Fyodorov ishtirok etdi va jurnalistlar savollariga javob berdi.
– Bugungi ko'rsatgan o'yinimiz orqali aslida bir ochkoga loyiq edik. Asosan qarshi hujumlarda o'ynadik. Ammo “Nasaf” jamoasining  bugungi o'yini biz kutgandan ham kuchli bo'ldi.
-Jamoa oldiga qanday vazifa qo'yilgan?
-Bu savolni menga doimo berishadi, bizning vazifamiz doimo uchrashuvlarda g'alaba uchun maydonga tushish.
-Bugungi uchrashuvning sizningcha qahramoni kim?
-Menimcha “Nasaf” jamoasi yarim himoyachisi Erkin Boydullaev bugun har qancha maqtovga arziydigan o'yin ko'rsatdi.
-Siz O'zbekiston kubogi finalida kimga muxlislik qilasiz?
-Kimga muxlislik qilishimni aniq aytsam ikkinchi tomonga og'ir botishi mumkin, sizlarning oldingizda “Nasaf”ga muxlislik qilaman deyishim, “Bunyodkor” jamoasi muxlislari oldida ularga muxlislik qilaman deyishim  mumkin, lekin  rostdan kimga muxlislik qilishim sir bo'la qolsin. Har ikkala jamoaga finalda omad tilayman.
— deya xabar beradi uff.uz nashri.