Futzal bo'yicha Toshkentda o'tadigan Osiyo chempionatiga tayyorgarlikning so'nggi bosqichini boshlab yuborgan O'zbekiston terma jamoasi bosh murabbiyi Xose Mariya Mendezdan intervyu oldik.
- Tojikiston terma jamoasiga qarshi o'tkazilgan o'yin o'yinchilarga nima bera oladi?
- Futzalchilarning o'zlariga bo'lgan ishonchni mustahkamlash uchun bunday o'yinlar juda zarur, shuning uchun ham bu kabi o'yinlarni ko'proq o'tkazishimiz kerak. Ayniqsa, ikkinchi uchrashuvda yigitlar yaxshi harakat qilishdi, men ulardan aynan shunday o'yinni kutgan edim.
- Saudiya Arabistoni terma jamoasi haqida qanday ma'lumotlarga egasiz?
- Saudiyaliklar 4 oy avval Malayziyada uchta o'yin o'tkazishgan. O'sha uchrashuvlarning videoyozuvi bor, ana shu videolar orqali ularning o'yin uslubini o'rganib borayapmiz.
- OCh oldidan so'nggi raqib sifatida nima uchun aynan Iordaniya tanlandi?
- Iordaniya bilan uchrashuv tashkillashtirishimizdan asosiy maqsad, ularning o'yini Saudiya Arabistoni termasining uslubiga o'xshash. Osiyo chempionatidan oldingi so'nggi o'rtoqlik o'yinimizga aynan Saudiyaga qarshi tayyorlanishni ko'zlagan holda raqib tanladik.
- Tojikiston bilan o'yindan kelib chiqib besh kishi bo'lib o'ynaganda kuchli emasga o'xshadik.
- Hozircha o'ynovchi darvozabon bilan harakat qilganimizda hammasi biz o'ylaganchalik chiqmayapti. Musobaqagacha qolgan vaqt davomida asosiy urg'uni aynan besh kishi bo'lib o'ynaganda qanday harakat qilishga qaratishimiz kerak. Hozircha, o'ynovchi darvozabon bilan kuchli jamoalarni himoyasini yorib o'ta oladigan darajaga chiqqanimiz yo'q. Lekin, bizda hammasini yaxshilash uchun vaqt bor.
Eslatib o'tamiz, O'zbekiston terma jamoasi Osiyo chempionatining "A" guruhida Livan, Qirg'iziston va Saudiya Arabistoni bilan birga kurash olib boradi.
— deya xabar beradi uff.uz nashri.