10 fevral kuni start oladigan futzal bo'yicha Osiyo chempionati ishtirokchilarining Toshkentga tashriflari boshlandi.
Birinchi bo'lib O'zbekiston poytaxtiga etib kelgan jamoa — Vetnamdir. 28 yanvar kuni Toshkentga kelgan jamoa bugun O'zbekiston terma jamoasiga qarshi o'rtoqlik uchrashuvida maydonga tushadi.
Quyida boshqa ishtirokchi jamoalarning Toshkentga tashrif buyurish sanalarini keltirib o'tamiz.
01.02.2016 — Iroq
04.02.2016 — Livan, Xitoy, Iordaniya, Malayziya
05.02.2016 — Xitoy Taypey, Yaponiya, Avstraliya
07.02.2016 — Qirg'iziston, Qatar
08.02.2016 — Saudiya Arabistoni, Eron, Tojikiston
09.02.2016 — Tailand
Eslatib o'tamiz, 2016 yilning 10 — 21 fevral kunlari Toshketda futzal bo'yicha Osiyo chempionati final bosqichi bo'lib o'tadi. Qit'a birinchiligi final bosqichi uchun tashlangan qur'a natijasiga ko'ra O'zbekiston terma jamoasi "A" guruhidan o'rin olgan. Guruhda Xose Mariya Mendez jamoasiga Saudiya Arabistoni, Qirg'iziston hamda Livan jamoalari raqib bo'ladi.
Ta'kidlash kerakki, Toshkentda bo'lib o'tadigan ushbu musobaqada eng yuqori 5 o'rinini egallagan jamoalar 2016 yilning 10 sentyabridan 1 oktyabrigacha Kolumbiyada bo'lib o'tadigan Jahon chempionatiga yo'llanmani qo'lga kiritadi.
— deya xabar beradi uff.uz nashri.