Londonning «Arsenal» klubi bosh murabbiyi Arsen Venger transfer mavsumining so'nggi kunida yangi futbolchi sotib olinmasligini ta'kidlab o'tdi.
- 100 foiz ishonch bilan gapirish qiyin, ammo 99 foiz kafolat bilan aytaman, boshqa yangi futbolchi bo'lmaydi. Mabodo mo''jiza ro'y berib, Messining o'zi o'n daqiqasi kam oltida eshik taqillatib kelmasa, boshqa futbolchi olmaymiz. Ammo Messi kelsa, unga: «uzr, «Barselona»ga qaytib ket», deya olmasligim tayin.
Transfer mavsumi men o'ylagandan ko'ra tinchroq o'tdi. Aslida klublar juda faol bo'ladi, deb o'ylagandim, - deydi Venger.
— deya xabar beradi uff.uz nashri.