Italiya A Seriyasining tartib-intizom qo'mitasi “Inter” klubi bosh murabbiyi Roberto Manchinini bitta o'yinga diskvalifikatsiya qildi. 51 yoshli mutaxassis “Milan“ga qarshi Italiya chempionatining 22-tur uchrashuvining ikkinchi bo'limida bosh hakam Antonio Damatoning hujumchi Eder hamda darvozabon Janluiji Donnarummaning to'qnashuvidan so'ng penalti belgilamaslik qaroriga haddan tashqari etiroz bergani tufayli maydondan chetlatilgandi. Bundan tashqari, Manchini to'rtinchi hakamni hamda “Milan” muxlislarini haqorat qilgan. Shu tariqa, Manchini “Kevo”ga qarshi o'yinda jamoasini boshqara olmaydi. Bundan tashqari, murabbiy 5 ming evroga jarimaga tortildi.
— deya xabar beradi uff.uz nashri.