Bilasiz, Myunxenning "Bavariya" klubi bosh murabbiyi Xosep Gvardiola mavsum yakuniga etgach, "Manchester Siti"da ish boshlaydigan bo'ldi. Klubning amaldagi bosh murabbiyi Manuel Pellegrini mavsum oxirida o'z o'rnini Gvardiolaga bo'shatib berishini oldindan bilgan. So'nggi ma'lumotlarga ko'ra, chililik mutaxassis yozda “Chelsi”ni o'z boshqaruviga olishi mumkin. Hozirda “nafaqaxo'rlar”ga Gus Xiddink ustozlik qilmoqda. Uning kelishuvi esa joriy mavsum yakuniga qadar mo'ljallangan. Avvalroq, Mark Xyuz, Maurisio Pochettino, Diego Simeone va Xorxe Sampaoli London klubi bosh murabbiyligiga nomzod sifatida e'tirof etilgan. Eslatib o'tamiz, “shaharliklar” ispaniyalik mutaxassis bilan 3 yillik shartnoma imzolaganini ma'lum qilishgan. 
— deya xabar beradi uff.uz nashri.