«UzReport TV» telekanali Angliya Premer-ligasi 24-turidan o'rin olgan ikkita uchrashuvni to'g'ridan-to'g'ri efirda namoyish qiladi. 2 fevraldan 3 fevralga o'tar kechasi Toshkent vaqti bilan soat 00:45da "King Pauer" stadionida "Lester" va "Liverpul" jamoalari o'rtasidagi o'yin bo'lib o'tadi. 3 fevraldan 4 fevralga o'tar kechasi Toshkent vaqti bilan soat 00:45da esa "Uotford" klubi "Chelsi"ni qabul qiladi. Futbol muxlislari ushbu o'yinlarni «UzReport TV» telekanali orqali "jonli" efirda tomosha qilishlari mumkin. Eslatib o'tamiz, o'tgan yilning 1-dekabr kunidan boshlab «UzReport TV» telekanali sun'iy yo'ldosh orqali efirga uzatila boshladi.
— deya xabar beradi uff.uz nashri.