Tobora xorijda to'p surayotgan legionerlarimiz soni ortib bormoqda. Xususan o'tgan mavsumda oliy ligada to'p surgan qator o'yinchilarimiz endilikda faoliyatlarini xorij  chempionatlarida davom ettiradi. Quyida shu legionerlarimiz borasida so'z yuritamiz.
Lutfulla To'raev (Malayziya)
Yo'nalish: “Lokomotiv”dan – “Felda Yunayted”ga
To'raev mavsum yakunlanishi bilanoq Malayziyadan tushgan taklifni qabul qildi hamda “Felda Yunayted”ga ko'chib o'tdi. Bu klubda o'tgan yillarda “Paxtakor”ning sobiq himoyachisi  Boyan Miladinovich to'p surgandi. Endilikda To'raev ushbu jamoada o'ynaydi. Malayziya Super-Ligasida yangi mavsum 13 fevraldan start oladi. Maydon markazida to'p uchun kurashlarda jiddiy qatnashadigan Lutfulla To'raev xorijda ham o'zini yaxshi tomonlama ko'rsata oladi.  
Vohid Shodiev (Malayziya)
Yo'nalish: “Bunyodkor”dan – “Perak”ga
So'nggi yillarda Malayziya chempionatida legionerlarimiz soni ortib boryapti. Xususan Shodiev ham “Perak” bilan shartnoma tuzdi. E'tiborlisi, bu jamoa Vohid Shodiev bilan ikki yillik bitim tuzdi. Qolaversa, Vohid klubdagi dastlabki nazorat uchrashuvidayoq gol kiritishni uddasidan chiqdi. Ko'rinib turibdiki, u jamoaga tez kirishib ketdi. O'ylaymizki, hamyurtimiz bu chempionatda ko'plab gollarni kirita oladi.  
Davomi Sports.Uz blogida.
— deya xabar beradi uff.uz nashri.