"Paxtakor" OChL-2016dagi ishtirokini 24 fevral kuni Toshkentdagi o'yin bilan boshlaydi.

1-turda jamoamiz "Paxtakor" stadionida Saudiya Arabistonining "Al Hilol" jamoasiga qarshi maydonga tushadi. "Paxtakor"ning Chempionlar ligasi 2016 yilgi mavsumidagi uy o'yinlari uchun akkreditatsiyadan o'tish jarayoni boshlanganini ma'lum qilamiz.

Akkreditatsiyadan o'tgan OAV vakillari jamoamiz ishtirokidagi uy o'yinlarini media tribunadan tomosha qilish, matbuot anjumanlarida ishtirok etish, mikst zonada futbolchilardan intervyu olish, media markazda ishlash va jurnalistlarga yaratilgan qulayliklardan foydalanish huquqiga ega bo'lishadi. Akkreditatsiyadan o'tish uchun 3X4 hajmida bir dona rasm, pasport nusxasi va ish joyidan xatni elektron ko'rinishda [email protected] manziliga jo'natilishi lozim.
— deya xabar beradi uff.uz nashri.