Milanning “Inter” klubi bosh murabbiyi Roberto Manchini va hujumchi Mauro Ikardi o'rtasida jiddiy nizo kelib chiqqan va ulardan biri mavsum oxirida “San-Siro“ni tark etadi. Bu haqida Tuttosport nashri xabar tarqatdi. Manbada aytilishicha, argentinalik futbolchi mutaxassis uni “Milan”ga (0:3) qarshi o'yinda asosiy tarkibda maydonga tushirmaganiga jiddiy norozilik bildirgan. Agar mavsum oxirida “Inter”da murabbiy o'zgarmasa, Mauro klubni tark etishiga to'g'ri keladi. Joriy mavsumda Ikardi Italiya chempionatining 19ta o'yinida 8ta gol kiritgan. 22-turdan so'ng “neradzurrilar” musobaqa jadvalida peshqadamlik qilayotgan “Napoli” to'qqiz ochkoga ortda qolgan holda to'rtinchi o'rinni egallab turishibdi.
— deya xabar beradi uff.uz nashri.