Xabaringiz bor, "Lester" klubi hujumchisi Jeymi Vardi "Liverpul"ga qarshi (2:0) o'yinda dubl muallifi bo'lib, jamoasiga uch ochko olib keldi. Mazkur o'yindagi dastlabki gol chamasi 25-30 metrlardan kiritildi. E'tiborga loyiq jihati shundaki, ana shu gol 29 yoshli hujumchining APLdagi jamira maydonchasi tashqarisidan kiritilgan ilk goli bo'ldi. Yulduzga aylanayotgan hujumchi Angliya Premer-ligasida jami 22 ta gol kiritgan bo'lsa, shulardan 18 tasi joriy mavsumga to'g'ri kelmoqda. Ayni damda, Vardi to'purarlar ro'yxatida yaqqol peshqadam bo'lib turibdi.
— deya xabar beradi uff.uz nashri.