"Arsenal" bosh murabbiyi Arsen Venger "Sautgempton"ga qarshi kechgan uchrashuvdan so'ng (0:0) fikrlarini bildirib o'tdi.
- Biz shiddatli o'yin namoyish qildik va golli vaziyatlar yaratdik. Bu borada jamoani ayblash noo'rin. Bu o'rinda gap faqatgina omadsizlikdan emas, umuman, men omadga unchalik ham ishonavermayman.
Biz o'zimizni aybdor his qilmoqdamiz. Bunday o'yinda vaziyatlar yaratar ekansan, g'alaba qozonishni istaysan. Bizda g'olib chiqish uchun imkoniyat bor edi, ammo raqib darvozaboni bemisl o'yin namoyish qildi.
- "Arsenal" o'z uslubida o'ynamoqda, desak bo'ladimi? Jamoangiz hal qiluvchi lahzalarda ochko yo'qotmoqda?
- Nima sababdan "Arsenal" o'z uslubida o'ynamoqda", deganingizga tushunmadim. Biz mana 20 yildirki Premer liganing top klublari safidamiz. Bugun ochko yo'qotdik, ammo kurashda davom etishimiz va ishonishimiz kerak, - deydi Venger.
— deya xabar beradi uff.uz nashri.