Ayni paytda Myunxenning «Bavariya»sini boshqarayotgan Xosep Gvardiolaning hali «MYu», «Chelsi», hali «PSJ», bir qarasang yana boshqa bir jamoani qabul qilishi taxmin qilinayotgan edi. Uloqni esa «Manchester Siti» ilib ketdi.
«Shaharliklar» rahbariyati nihoyat o'z maqsadiga erishdi: ayni paytda dunyoning eng kuchli murabbiylaridan biri «Manchester Siti»ni boshqarishga rozi bo'ldi. Ingliz klubi kataloniyalik murabbiy bilan 3 yillik shartnoma imzolagan. Unga ko'ra Gvardiolaning yillik maoshi 20 mln. (ayrim manbalarga ko'ra 25 mln.) evroni tashkil etadi. Ispaniyalik mutaxassis yangi jamoasida 2016 yilning yozida ish boshlaydi.
Biz Xosep Gvardiolaning «Manchester Siti»ga o'tishi fonida klublar boshqaruvida sodir bo'lishi kutilayotgan o'zgarishlar, yana qaysi murabbiylarning yangi jamoalarda ish boshlashi mumkinligi hamda so'z yuritishga qaror qildi.
Tabiiyki, Gvardiolaning Manchesterga kelishi jamoani 3 yil davomida muvaffaqiyatli boshqargan Pellegrinining mankunianliklar jamoasida issiq o'rnini sovutadigan bo'ldi. Biroq chililik mutaxassis xafa bo'lmasa ham bo'ladi. Chunki u ishsiz qolmasligi muqarrar, hozirning o'zida qo'lida bir qancha jiddiy takliflar bor.
Ushbu murabbiyni o'z jamoasiga chorlayotganlar orasida shubhasiz Londonning «Chelsi» klubi peshqadam. Hozir «aristokratlar»ni Gus Hiddink boshqarmoqda. U bilan mavsum yakuniga qadar shartnoma imzolangan xolos. Bu Mourino iste'foga chiqarilgach, zudlik bilan qabul qilingan vaqtinchalik qaror bo'lib, ayni paytda jamoaga malakali murabbiy qidirilmoqda. Pellegrini esa «Chelsi» rahbariyati talablariga har tomonlama mos murabbiy. Ammo Manuel bu taklifni qabul qiladimi-yo'qmi, buni vaqt ko'rsatadi.
Davomi Ikromjon Avalboev blogida.
— deya xabar beradi uff.uz nashri.