"Valensiya" yarim himoyachisi Denis Cherishev Ispaniya Kubogi yarim finalida "Barselona"ga qarshi kechadigan o'yinda ishtirok etish huquqiga ega. Buni Ispaniya futbol federatsiyasi rasman tasdiqladi.
Cherishev Madridning "Real" klubidan ijaraga olingan bo'lib, Ispaniya Kubogi 1/16 finalida "Kadis"ga qarshi kechgan o'yinda maydonga tushgani uchun madridliklar musobaqadan chetlatilgan edi. Aynan shu uchrashuvda futbolchi diskvalifikatsiya muddatini o'tab bo'lgan deb topildi va Cherishev "Valensiya" tarkibida "Barselona"ga qarshi o'ynashi mumkin.
Eslatib o'tamiz, "Barselona" - "Valensiya" o'yini bugun tunda, Toshkent vaqti bilan soat 01.00da boshlanadi.
— deya xabar beradi uff.uz nashri.