Afg'oniston mamlakati fuqorosi, yosh bolakay - Murtoza Ahmadi endi o'z davlatida judayam mashhur bo'lib ketdi. Birinchi marta u haqida ikki hafta oldin ma'lum bo'lgandi. Ijtimoiy tarmoqlarda kichkinagina bolakayning "Messi" yozuvi tushirilgan qog'oz-paketdan yasalgan futbolkada aks etgandi.
Uning futbolkasi xuddi Argentina termasining libosidek bo'yalgan va unga "10" raqami hamda "Messi" degan yozuvi tushirilgandi.
Avvaliga, bu bolakayni Iroqning Daxuk - vayron bo'lgan shaharchasidan qidirishdi. Keyinroq, bu narsa rostmi yoki yolg'on deb, bolakayni izlashga tushishdi. Biroz vaqt o'tib, ijtimoiy tarmoqlar jajji qahramonining amakisi - Azim Ahmadi paydo bo'ldi va u besh yoshli jiyani haqida gapirib berdi. Ular Afg'oniston fuqorosi ekanliklarini bayon qildi.
Bolakayni shu libosda kiyintirishni akasi Xumoyun o'ylab topgan ekan.
"Gohida, kechalari uyg'onib qoladi va Messiga olib bor deb, yig'laydi. Men unga biz qashshoq qishloqda yashaymiz, uning futbolkasiin sotib olishga qurbimiz etmaydi, deyman. Murtoz bo'lsa tinmasdan bir necha kun yig'ladi.
Shundan keyin akasi Xumoyun unga qog'oz-paketdan futbolka yasab berdi. Messi libosini kiyinoboq. u tinchlandi", - deydi bolakayning otasi Orif Ahmadi CNN nashri bergan intervyusida.
Mazkur voqeadan keyin Afg'oniston futbol federatsiyasi Messiga shu bolakay bilan uchrashish taklifi bilan chiqdi va hatto federatsiya Murtozaning Ispaniyaga borib kelish xarajatlarini ko'tarishini ma'lum qildi.
Endi bo'lsa, Murtozaga "Barselona"ning to'liq epikirovkasi sovg'a qilindi va bolakay milliy terma jamoa bilan mashg'ulotlarda qatnashdi. Ota bo'lsa, o'g'lining kelajakda futbolchi bo'lib etishishiga umid qilmoqda.
— deya xabar beradi uff.uz nashri.