"Liverpul" va "Atletiko" klublari sobiq futbolchisi, ayni vaqtda faoliyatini "Nyuells Old Boys"da davom ettirayotgan Maksi Rodriges "Barselona" hujumchisi Lionel Messi Argentina terma jamoasida o'ynamasligi lozimligini aytib o'tdi.
"Messi futbolchi bo'lishdan ham ko'ra inson sifatida yaxshiroqdir. Uning kamtarligi va oddiyligi ulkan qadriyat. U aslida qanday obro'ga ega ekanini o'zi ham tushunmaydi va bu juda ajoyib. Dunyoning eng kuchli futbolchisi bo'lish og'ir ish.
Ammo buning bir jihati bor - Messi hozir tanqid uchun nishonga aylanib qolgan. Argentinada uning o'yinidan shunchaki lazzatlanish o'rniga uni kimlar bilandir taqqoslab yuradilar. U jahon chempionatida g'olib chiqmadimi? Bu erda biroz omadning ham o'rni bor. U mundialda g'alaba qozonishni boshqalardan ko'proq istaydi. Tanqid esa unga og'riq etkazadi. Chunki u Argentina uchun o'ynamoqda.
Leo uchun terma jamoaga boshqa kelmaslik va tanqidlarga nishon bo'lmaslik yaxshi bo'lardi. Ammo u terma uchun o'ynashda davom etadi", - deydi Rodriges.
— deya xabar beradi uff.uz nashri.