"Chelsi" jamoasining sobiq bosh murabbiyi Joze Mourino katta ehtimol bilan kelasi mavsumda "Manchester Yunayted" klubini o'z boshqaruviga oladi. Bu haqida Sky Sport Italia nashri xabar berdi. Ma'lumotlarga qaraganda, mankunianliklar portugaliyalik mutaxassis bilan muzokaralar olib bordi va deyarli kelishuvga erishdi. Joriy mavsum Angliya chempionatida "MYu" gollandiyalik murabbiy Lui van Gal qo'li ostida 24-turdan so'ng 40 ochko jamg'argan holda, turnir jadvalining beshinchi pog'onasida band qilib turibdi. Eslatib o'tamiz, "nafaqaxo'rlar" o'tgan yilning dekabr oyida portugaliyalik murabbiyni o'z lavozimidan ozod qilgandi.
— deya xabar beradi uff.uz nashri.