Xabar berganimizdek, Toshkentning “Bunyodkor” jamoasi yangi mavsum oldidan tarkibga qo'shib olgan yangi o'yinchilarining tanishtiruv marosimini o'tkazdi.
Mazkur taqdimot marosimidan keyin jamoaning yangi a'zosi Shahzodbek Nurmatov bilan qisqacha suhbatlashdik.
- Yangi jamoadagi ilk taassurotlaringiz bilan o'rtoqlashsangiz…
- “Bunyodkor” – ajoyib jamoa. Tarkibda mahoratli futbolchilar yig'ilgan. Jamoaning infratuzilmasi, mashg'ulotlar o'tkazilish jarayoni-yu o'yinlarga ko'riladigan tayyorgalikka gap yo'q. Ushbu jamoaga tez kirishib keta olganimdan xursandman. Ayniqsa, ilk o'rtoqlik o'yinidayoq to'p kirita olganim o'zimga bo'lgan ishonchni oshirdi, deb o'ylayman.
- B. Boboev ta'kidlaganidek, “Bunyodkor”ning har bir chizig'i kuchaytirilmoqda va o'yinchilarga asosiy tarkibga kirish oson bo'lmaydi. Siz raqobatdan qo'rqmayapsizmi?
- Aslo, yo'q! Bilsangiz, menga raqobat yoqadi. Qaerda raqobat bor bo'lsa, o'sha erda o'sish bo'ladi, deb bejizga aytishmaydi. Men ham bor kuch-g'ayratimni ishga solgan holda asosiy tarkib a'zosiga aylanishga harakat qilaman. O'ylashimcha, buni uddalay olaman.
Davomi Sports.Uz blogida.
— deya xabar beradi uff.uz nashri.