Frantsiya chempionati 24-turida "PSJ" jamoasi "Loryan"ga qarshi bahs olib bordi va 3:1 hisobida zafar quchdi. Mazkur muvaffaqiyatdan so'ng parijliklar mag'lubiyatsiz uchrashuvlar sonini 33 taga etkazib, Frantsiya chempionatida yangi rekord o'rnatishdi. So'nggi bor Loran Blan shogirdlari o'tgan yili "Bordo"ga 2:3 hisobida imkoniyatni boy bergan. Ushbu g'alabadan so'ng "PSJ" 66 ochko bilan turnir jadvalida yaqqol peshqadam bo'lib turibdi. Ikkinchi o'rinda borayotgan "Monako" jamoasi ulardan 24 ochko ortda bormoqda.
— deya xabar beradi uff.uz nashri.