Toshkentning “Bunyodkor” jamoasi yangi mavsum oldidan tarkibga qo'shib olgan yangi o'yinchilarining tanishtiruv marosimini o'tkazdi.
Yangi mavsum starti oldidan “qaldirg'ochlar” a'zosiga aylangan futbolchilar orasida serbiyalik yarim himoyachi Aleksandar Alempievich ham bor. Taqdimot marosimidan so'ng 27 yoshli serb o'yinchisi SPORTS.uz internet-portali uchun intervyu berdi.
- Aleksandar, yangi jamoangizdagi ilk taassurotlaringiz qanday?
- “Bunyodkor”ga kelib qo'shilganimga hali uncha ko'p bo'lmagan bo'lsa ham jamoaga tez kirishib keta oldim. Klubning mavsumoldi yig'inlari doirasida o'tkazilgan sinov-nazorat o'yinlarida maydonga tushishga ham ulgurdim. Dastlabki taassurotlarim yomon emas. Tarkibda iqtidorli futbolchilar etarlicha ekan. Ammo ularning ko'pchiligi yosh o'yinchilar ekanini ham ta'kidlashim joiz. Shunday bo'lsa ham “Bunyodkor”ning ayni tarkibi boshqa klublarga bosh og'rig'i bo'la olishiga ishonaman.
- 2014 yilda “Olmaliq” tarkibida to'p surgandingiz. Chempionatimiz haqida ma'lum tasavvurga egasiz, albatta…
- Ha, nima demoqchi ekaningizni tushundim. O'zbekiston Oliy Ligasi haqida etarlicha tasavvurga egaman. “Olmaliq” jamoasi tarkibida bir nechta jamoalarga qarshi o'ynagandim va o'zbek klublarining qanday o'yin namoyish etishini bilaman. O'zbekistonda 4-5 ta kuchli klublar bor. Ular qolgan jamoalardan biroz ilgarilab ketishgan.
Davomi Sports.Uz blogida.
— deya xabar beradi uff.uz nashri.