"Shaxtyor" klubi yarim himoyachisi Aleks Teyshera Xitoyning "Tszyansu Sunin" klubiga o'tishga yaqin turibdi. Futbolchining transfer narxi 46 million evroni tashkil qilishi kutilmoqda. Shu tariqa Teysheraning transferi joriy yildagi eng qimmati bo'ladi. Bungacha Xitoyning yana bir klubi - "Guanchjou Evergrand"da 42 million evroga o'tgan Jekson Martines eng qimmat transfer bo'lib turgandi. Eslatib o'tamiz, Teysheraga "Liverpul" klubi qiziqish bildirayotgandi. Ammo mersisaydliklar braziliyalik futbolchiga 30 million evrodan ko'p mablag' taklif qilishmagan.
— deya xabar beradi uff.uz nashri.