FIFA rasmiy sayti terma jamoalarning yanvar oyi uchun reytingini e'lon qildi. O'zbekiston ushbu reytingda o'tgan oydagidan ikki pog'onaga yuqorilab, 71-o'ringa ko'tarilib oldi. Hozirgi vaqtda O'zbekiston milliy terma jamoasi hisobida 502 ochko mavjud. Osiyo mamlakatlari orasida esa O'zbekiston bir pog'ona pastladi va 7-o'ringa tushdi. Chunki Saudiya Arabistoni terma jamoasi o'tgan oydagidan 20 pog'ona yuqorilab, 75-o'rindandan 55ga chiqib oldi. Osiyo davlatlari ichida hamon Eron birinchi o'rininni egallab turibdi. O'zbekistongacha bo'lgan keyingi o'rinlarni Janubiy Koreya, Saudiya Arabistoni, Yaponiya, BAA va Avstraliya egallab turibdi. Belgiya terma jamoasi hamon FIFA reytingida peshqadam bo'lib turibdi.Kuchli uchlikdan, shuningdek, Argentina hamda Ispaniya terma jamoalari jyo olgan. Amaldagi Jahon chempioni — Germaniya esa to'rtinchi pog'onada bormoqda. To'liq reyting bilan ushbu havola orqali tanishib olishingiz mumkin.
— deya xabar beradi uff.uz nashri.