Joriy yilning qishki transfer mavsumi Angliya Premer-ligasi jamoalari uchun anchagina qizg'in o'tdi.  
Ingliz klublari transferlar uchun 1 milliard funtdan ziyod mablag' ishlatishga ulgurishdi. Transferi mavsumining so'nggi kunida esa bir-biridan qiziq kelishuvlar amalga oshdi: Seydu Dumbiya "Nyukasl"ga, Emmanuel Emenike "Vest Xem"ga, Umar Niasse "Everton"ga Jinelli Imbula esa "Stok Siti"ga o'tdi.
Albatta, ushbu transferlarning jamoaga qay darajada foyda berishi hozircha qorong'u. Ammo, barchasi yaxshilik bilan tugashiga umid qilgan holda, quyida Premer-liga tarixidagi qishki transfer mavsumining so'nggi kunida alamga oshirilgan eng omadli transferlar o'nligini taqdim etamiz.
 
10. Mikel Arteta
Transfer narxi: 2 mln funt
Yo'nalish: "Real Sosedad" → "Everton"
 
2005 yilda Ispaniyaning “Real Sosedad” klubidan 2 mln funt evaziga xarid qilingan mahoratli yarim himoyachi jamoaga juda tez kirishib ketdi va muxlislarning eng sevimli o'yinchisiga aylana oldi. O'sha mavsum yakunida “irislar” turnir jadvalida 4-o'rinni egallab, Chempionlar ligasining saralash bosqichida ishtirok etish imkoniyatiga ega bo'lishdi. Biroq, ispaniyalik yarim himoyachi ko'p o'tmay, “mersisaydliklar” safini tark etdi. 2011 yili Arteta 10 mln funt evaziga “Arsenal” safiga o'tishni ma'qul ko'rdi.
 
9. David Luiz
Transfer narxi: 25 mln evro
Yo'nalish: "Benfika" → "Chelsi"
 
O'zining ajoyib soch turmagi bilan muxlislar orasida tanilgan braziliyalik himoyachi 2011 yil o'sha vaqtlardagi “aristokratlar” bosh murabbiyi Andre Villash Boashning alohida e'tiboriga sazovor bo'ldi. Luizning eng muhim jihati shunda ediki, u faqatgina himoya bilan cheklanib qolmay, oldingi chiziqlarda ham o'zini juda erkin his eta olardi. Klubdan Boash ketib, Joze Mourino jamoani qabul qilib olgach, Luiz 50 mln evro evaziga “PSJ” safiga o'tib ketdi.
Davomi Zohid Akramov blogida.
— deya xabar beradi uff.uz nashri.