«Barselona» himoyachisi Dani Alves Madridning «Real»  klubi hujumchisi Krishtianu Ronaldu bilan matbuot orqali aytishib qolgani haqida fikr bildirdi.
- Men Ronalduga jahl qilmayapman. Men aytmagan gaplarni matbuotga chiqarishdi va u menga jahl qilmoqda. Uning nazdida men Ronaldu haqida yomon gaplarni aytganman. Ammo men bunga hech qanday extiyoj sezmayapman. Men hech qachon u haqida shaxsiy gaplarni gapirmaganman. Shunday gaplarim bo'lsa, ko'rsating menga.
Men Ronaldu haqida shaxs sifatida fikr bildirganman. Aynan shu gapni Neymar haqida ham aytishim mumkin. Chunki ular mashhur insonlar. Adashmang, men Ronaldu haqidagi suhbatlarga muhtoj emasman. Mening so'zlarimni o'zgartirib yozishdi va uning mendan jahli chiqdi.
Tsyurixda men uning oldiga bordim va odob yuzasidan salomlashmoqchi bo'ldim. Ammo u men bilan ko'rishishni istamadi, uning juda jahli chiqqan edi, ammo bu muammo emas. Men bundan siqilib uyqumni yo'qotmaganman, yosh boladek uxlayman.
Ronaldu nima sababdan u haqida bunday gaplarni aytganimni so'radi. Men esa bunday ish qilmaganimni bildirdim. Mendan u haqida so'rashdi va men javob qaytardim. Mashhur insonlar haqida bunday holatlar ro'y berib turadi.
Uni yaxshi bilmas ekanman, gapirib nima qildim? Men faqat futbol haqida fikr bildirishim mumkin. Umid qilamanki, u o'z hayotidan juda xursand, - deydi Alves.
Eslatib o'tamiz, matbuotda Dani Alvesning Krishtianu Ronaldu «Oltin to'p» uchun kuchli uchlikka kirishga nomunosibligi haqida gaplari tarqatilgan edi. 
— deya xabar beradi uff.uz nashri.