“Bunyodkor”ning OChL-2016 “pley-off” bosqichi doirasidagi raqibi “Ash-Shabab” klubi Toshkent safari oldidan mag'lubiyatga uchradi. Kaio Junior shogirdlari o'z maydonlarida “Baniyas” klubini qabul qilishdi va 0:1 hisobida imkoniyatni boy berib qo'yishdi. E'tiborlisi, o'yin taqdirini hal qilgan yagona golni kutilmaganda Azizbek Haydarov o'z darvozasiga kiritib qo'ydi. Shu tariqa, 17 uchrashuvda 23 ochko jamg'argan “Ash-Shabab” musobaqa jadvalining 7-pog'onasida bormoqda. BAA chempionati, 17-tur
“ASh-ShABAB” – “BANIYaS” 0:1 (0:1)
Gol: Azizbek Haydarov 7 avtogol
“ASh-Shabab” tarkibi: 18. Salim Abdulla, 2.Issa Muhammad, 4.Muhammad Marzuq (30.Muhammad Juma 89), 7.Azizbek Haydarov, 10.Karles Vilyanueva, 11.Enrike Luvannor, 22.Muhammad Ali, 25.Mahmud Qosim, 26.Hassan Ibrohim (77.Rashid Hassan 85), 92.Abdulla Halifa (20.Nosir Mas'ud 46), 99.Junino Patiguar Ushbu uchrashuv “Ash-Shabab”ning Toshkent safari oldidan so'nggi rasmiy uchrashuvi bo'ldi. Eslatib o'tamiz, “Bunyodkor” – “Ash-Shabab” uchrashuvi 9 fevral kuni “Bunyodkor” stadionida soat 17:00da boshlanadi.
— deya xabar beradi uff.uz nashri.