"Barselona" klubi Ispaniya Kubogi finalida o'ynashiga shubha qilmayapti. Eslatib o'tamiz, kataloniyaliklar Kubok yarim finalidagi dastlabki o'yinda "Valensiya"ni 7:0 hisobida mag'lubiyatga uchratishdi va javob o'yini oldidan yaxshi imkoniyatga ega bo'lib turibdilar.
Ma'lumotlarga qaraganda, "Barselona" Ispaniya Kubogi finalini "Real"ga tegishli "Santyago Bernabeu" o'yingohida o'tkazishni istamoqda. O'tgan yili ham kataloniyaliklar final bahsini "Real" maydonida o'tkazish istagini bildirgan, ammo madridliklar o'yingohda ta'mirlash ishlari o'tkazilishini sabab qilib ko'rsatib, bu taklifni rad etgan edi.
Shu sababli "Barselona" va "Atletik" o'rtasidagi o'yinni kataloniyaliklar o'z maydonlarida o'tkazganlar va 3:1 hisobida g'alabaga erishganlar.
— deya xabar beradi uff.uz nashri.