Jahon ommaviy axborot vositalari ayni paytda ajoyib jismoniy etuklik davrini boshdan o'tkazayotgan portugaliyalik futbolchi Krishtianu Ronaldu haqida juda ko'p maqolalar bermoqda. Biz ham bu - fenomen futbolchining muvaffaqiyatlarga erishishida omil bo'lgan jihatlariga to'xtalmoqchimiz.
Asosiysi, epchillik, chidamlilik, kuch va tezlikdagi qudrat yig'indisi yana g'alabaga bo'lgan chanqoqlik orqali Krishtianu Ronaldu hozirda jahoning eng zo'r futbolchilaridan biriga aylandi.
 
1. Chidamlilik
Ronaldu bir o'yin davomida 10 kmdan ko'proq masofani bosib o'tadi, uning gavdasidagi muskullar tinimsiz mehnat natijasidir. O'tgan mavsumdagi gollarining chorak qismini u o'yining oxirgi 20 daqiqasida kiritgan. Boshqalar match oxiriga kelib hansirab qolgan vaqtda u avvalgi holatida to'p sura oladi.
2. Kuchlilik
Ronaldu 200 kg og'irlikdagi shtanga bilan o'tirib-turish mashqiga katta e'tibor qaratadi. Kuchli kvadritseps(son mushak)lari bosh bilan gol urish uchun juda zarur jihatdir. Kris NBA basketbolchilari singari 79 smga sakray oladi. Demak u maysadan 259 sm yuqorida bo'lgan to'pga zarba berishi mumkin deganidir.  
3. X-faktor
Ronaldu o'yin paytida boshqa futbolchilarga nisbatan tezkor qaror chiqara oladi. Dunyoda sanoqli bo'lgan mahoratli futbolchilarda makonni   zudlik bilan anglash qobiliyati rivojlangan bo'lib, bu jihat sekundiga ettita turli ob'ektlarni harakatini baholay oladilar, oddiy inson esa o'rtacha beshta narsa harakatini baholay olishi mumkin. Krishtianu himoyachini aldashga kirishganida raqibni ozgina harakatidan qanday harakatni rejalashtirayotganini sezib, yana boshqa futbolchilarning qaysi holatda turganini eslab qoladi.  Bularni bari  u beixtiyoriy ravishda bajaradi.
4. Tezlik
Ronaldu bir o'yin davomida 33 marta o'zining eng yuqori tezligi bo'lgan - soatiga  33 km tezlikka chiqadi.  KR7ning portlashga qiyoslanadigan tezligi unga nisbatan suniy o'yindan tashqari holatni keltirishga umuman imkon bermasligi aniqlangan. Undagi o'z tanasini takrorlanmas darajada nazorat qilish qobiliyati yo'nalishni qo'qqis o'zgartirishga imkon bergani uchun Krishtianu dribling qilayotgan paytida tutqich bermas futbolchiga aylanadi.
5. Qudrat
Ronaldu tepgan to'pning tezligi soatiga 130 km tezlikkacha etishi mumkin. Futbolchining beqiyos texnikasi bois jarima zarbalari paytida uning oyoq panjasining oldi tomoni xuddi to'pni quchoqlab olgandek ko'rinadi. Natijada to'p darvozabonlarga imkoniyat qoldirmaydigan darajada aylanib, o'z traektoriyasini 274 sm atrofida yo'nalishini o'zgartira oladi. Elmurod ERMATOV tayyorladi
— deya xabar beradi uff.uz nashri.