“Nasaf” – “Neftchi” (1:0) uchrashuvidan so'ng jamoamiz posboni Eldorbek Suyunov o'yin haqidagi o'z fikrlarini bildirdi.
– Uchrashuv juda qiyin kechdi. “Neftchi” jamoasi ham kuchli jamoalar sirasiga kiradi. Bugun eng muhimi uch ochkoni qo'lga kiritdik. Jamoamiz sardori va etakchisi Artur Gevorkyan bugun ishtirok eta olmadi. Biz barcha jamoadoshlarimiz bilan uning yo'qligini bildirmaslikka qo'ldan kelgancha harakat qildik.
Muxlislarga kutilgan o'yinni taqdim etib berolmadik. Hisob 1:0ga o'zgarganidan so'ng asosan natija uchun o'ynadik. Sababi bizni juda muhim bo'lgan final bahsi kutib turibdi. Ikkinchi bo'limda final haqida o'ylashni boshladik. Shunga qaramay, muhim g'alabani qo'lga kiritdik. “Neftchi” darvozaboni Evgeniy Cheremesin bugun juda yaxshi o'ynadi va jamoasini bir qator vaziyatlarda gollardan qutqarib qoldi.
Xudo xohlasa finalda muxlislarimizni quvontirishga harakat qilamiz va buning uchun barcha kuchni sarf etamiz.
Manba: fcnasaf.uz, voha.uz
— deya xabar beradi uff.uz nashri.