Xabaringiz bor, “Bavariya” klubining amaldagi bosh murabbiyi Xosep Gvardiola mavsum yakunida Myunxenni tark etib, “Manchester Siti”da ish boshlaydi. Germaniya OAV uning bo'lajak ishi haqida so'rar ekan, ispaniyalik murabbiy bir vaqtning o'zida ikki klubni boshqara olishini aytdi va imkon bo'lganida shunday yo'l tutgan bo'lardi. “Agar imkon bo'lganida, men “Manchester Siti”da ham “Bavariya”da ham ishlar edim. Bu men uchun muammo emas. Ayol kishi singari bir vaqtning o'zida bir nechta vazifini bajara olaman. Bir vaqtning o'zida ikkita muammoni hal qila olaman. Bunga qobiliyatim etarli”, - deydi Gvardiola. Eslatib o'tamiz, ispaniyalik mutaxassis “shaharliklar” bilan 3 yillik shartnoma imzolagan. Uning yillik maoshi 20 mln evro bo'lishi kutilmoqda. 
— deya xabar beradi uff.uz nashri.