Futzal bo'yicha o'tkaziladigan Osiyo chempionati oldidan O'zbekiston futzal terma jamoasi bosh murabbiyi Xose Mendez, tashkilot direktori Rustam Tolibjonov, katta murabbiy Baxodir Axmedov va tajribali futzalchi Artur Yunusov ishtirok etdilar. Jurnalistlar o'zlarini qiziqtirgan savollar bilan bosh murabbiyga murojaat qildilar.
- Yakuniy tarkib necha nafar futbolchidan shakllandi?
- Aslida Osiyo chempionati uchun 17 nafar futzalchini ruyxatdan utkazishimiz kerak edi. Afsuski so'nggi kunda bor yugi 14 nafar futbolchini ro'yxatdan o'tkazishimiz ma'lum bo'ldi.
- Savolim Artur Yunusovga. Artur, yakuniy tarkib xaqida nima deya olasiz?
- Tarkibimiz ancha yosh. Bu esa juda yaxshi hola. Jismoniy tayergarligimiz yaxshi holatdaligini ta'minlovchi asosiy omillardan biri ham shu. Biz Osiyo chempionatida o'z oldimizga qo'yilgan vazifani bajara olishimizga ishonamiz.
- Shuxrat Tojiboev O'zbekiston futzal terma jamoasidagi yagona legioner edi. Ammo nima uchundir u yakuniy ro'yxatdan joy olmadi...
- Shuxrat bizning barcha o'quv mashg'ulot yig'inlarimizda ishtirok etdi. Ammo so'nggi bosqichda jiddiy jaroxat oldi va tiklanishi uchun ikki xafta vaqt ajratish lozim edi. Uning jarohati to'liq bitmagani uchun shunday qarorga kelishga majbur bo'ldik.
- Terma jamoamiz so'nggi o'rtoqlik o'yinlarida ko'p mag'lubiyatlarga uchradi. Bu nimadan dalolat?
- O'rtoklik o'yinlarida mag'lubiyatga uchrashimiz rakiblar kuchli ekanidan dalolat. Biz ataylab shunday raqiblarni tanladik. Chunki oldimizda yo juda kuchli raqiblarga qarshi o'ynab tajriba orttirish yoki o'rtamiyonalar bilan o'ynab hech narsa bermaydigan g'alabalarga erishish yo'li bor edi. Tabiiyki biz kuchli raqiblar bilan o'ynashni ma'qul ko'rdik .Chunki JCh yulida biz qit'aning eng kuchli terma jamoalariga qarshi to'p surishimiz kerak. O'sha Qozog'iston va Belorussiya bilan bo'lgan o'yinlar bizga kerakli tajriba berishi lozim edi. «Qayrat» haqida ko'p gapirish ham shart emas. Bu jamoa qanday kuchga ega ekanligini hamma yaxshi biladi.
- Guruhimiz haqida qanday fikr bildira olasiz?
- Guruhimizni o'ta kuchli yoki o'ta kuchsiz deb aytmagan bo'lardim. Sababi, Saudiya Arabistoni kabi terma jamoalar har qanday raqibga qiyinchilik tug'dirishi turgan gap. Bunday raqibdan oldindan nima kutishni ham bilmaysan. Livan esa jismoniy tayergarligi kuchli bo'lgan futzalchilarga ega jamoa. Shuningdek yon qo'shnimi Qirg'iziston bilan bo'ladigan o'yin ham juda qiziqarli kechishi turgan gap. Bizning maqsadimiz aniq, guruhda birinchi o'rinni olish. shunda keyingi bosqichdayoq juda kuchli bo'lgan Eronga duch kelmasligimiz mumkin.
- Savolim Rustam Tolibjonovga. Aytingchi, Qatarda olimpiyachilarimiz o'ta muvaffaqiyatsiz ishtirok etgach, bu holat futzalchilarimizga bo'lgan bosimni oshirib yubormaydimi?
- Bu juda to'g'ri va o'rinli savol bo'ldi. Aynan shu narsa muammo tug'dirmasligi uchun mutaxassislarimiz futzalchilar bilan ish olib bormoqdalar. Bugungi kunda bu borada bizda muammo bo'lmasligi kerak.
- Muxlislar borasida qanday qulayliklar yaratilgan, o'yinga kirish va chiqish borasida qanday axborot bera olasiz?
- Bu borada muxlislar klubi rahbari Abduraxmon Fozilov bilan ish olib boryapmiz. Muxlislar uchun kirish bepul. Biz ishqibozlarga qulaylik yaratish uchun qo'limizdan kelgan barcha ishni amalga oshiramiz.
Abdurahmon Fozilov: Osiyo chempionatining ochilish marosimi 10 fevralda, soat 18:00da boshlanadi. Biz bu borada kutilmagan sovg'a tayyorlab qo'yganmiz. Musobaqa davomida terma jamoamizni qo'shiqlar bilan qo'llab borishni rejalashtirganmiz.
- Raqib o'yinlarini o'rganib bordingizmi? Bu borada qanday yangi texnologiyalardan foydalandingiz?
- Biz bu musobaqada muvaffaqiyat qozonish uchun barcha imkoniyatlardan foydalanmoqdamiz. Eng so'nggi texnologiyalar asosida nafaqat raqiblar, balki o'z o'yinlarimizni ham tahlil qilib bormoqdamiz. Bu ish yaqin orada emas, balki bir necha yillar oldin yo'lga qo'yilgan.
- Qozog'iston va Eron terma jamoalari o'yinlarini tomosha qiladigan bo'lsak, ular ilk daqiqalardanoq beshinchi o'yinchi sifatida darvozabondan foydalanadilar. Biz esa asosan so'nggi daqiqalarda, shunda ham mag'lubiyatga uchrayotgan bo'lsak bunday uslubdan foydalanamiz. Darvozabondan faolroq foydalansak bo'lmaydimi?
- Savolingiz to'g'ri, ammo aynan Qozog'iston terma jamoasiga keladigan bo'lsak, ularning tarkibida Igita bor, bizda esa yo'q. To'g'ri, boshqalar ham Igita kabi o'ynashga intilishlari mumkin, lekin bu qadar samarali harakat qila olishlari juda qiyin. Eronga keladigan bo'lsak, ular darvozabon o'rniga «pover player» - beshinchi o'yinchini manejga tushirishadi. Bu endi ko'proq taktikaga bog'liq.  Ba'zi jamoalarda bu holat pand berishi ham hech gap emas. Hammasi «pover player» qay darajada sifatli o'yin namoyish qilishiga bog'liq.
- Terma jamoa oldiga qo'yilgan vazifa bajarilsa, moliyaviy rag'bat qanday ko'rinishda bo'ladi?
- Bu borada O'zbekiston futbol federatsiyasi kerakli yordamni berishini aytib o'tgan. Ammo hali vazifa bajarilmay turib moddiy rag'batlantirish haqida gapirish noo'rin bo'lsa kerak.
- Agar jamoangiz muvaffaqiyatsizlikka erishsa, bunda kim aybdor bo'ladi
- Terma jamoa, murabbiy va futzalchilar aybdor bo'ladi. Ammo men o'zimga ishonmoqdaman, shuningdek futzalchilarimga ham ishonaman. Albatta jahon chempionati yo'llanmasini qo'lga kiritish uchun qo'limizdan kelgan barcha ishni qilamiz. Agar bu ishni uddalay olmasak, bizga o'zimizni oqlash uchun hech qanday bahona yo'q.
— deya xabar beradi uff.uz nashri.