Har qanday klub yoki terma jamoani muxlislari qandaydir o'zgacha nom – to'g'rirog'i laqab bilan atashni xush ko'rishadi. “Real Madrid”ni “qirollik klubi” , “Manchester Yunayted”ni “qizil iblislar” , “Bavariya”ni “Gollivud FK” yoki “Yuventus”ni “keksa sinora” deb atalashi barchamizga yaxshi ma'lum. Buni qarangki, nafaqat klublar, balki milliy terma jamoalar olgan bir qator ixtiyoriy va ba'zi bir majburiy laqablar ham kishi e'tiborini tortar ekan. Mamlakatimizda ham bu urf-odatlar allaqachon kirib kelgan. Oliy liga jamoalarning ko'pchiligi aynan laqablar bilan tilga olinishini ko'p bora guvohiga aylanganmiz. Misol uchun “Paxtakor”-“sherlar”, “Bunyodkor”-“qaldirg'ochlar”, “Nasaf”-“ajdarlar”, “Sho'rtan”-oq bo'rilar”,-“Andijon”-“burgutlar”, “Navbahor”-“lochinlar”, “Naftchi”-“chinorlar” deb atalishiga ko'nikganmiz. O'zbek futbolida o'z o'rniga ega bo'lgan Buxoroning “Buxoro” jamoasida hamon laqab yo'q. To'g'ri jamoani turli davrlarda turli laqablar bilan tilga olishganlar ham bo'ldi, ammo bu narsa ko'pga bormadi. Yangi mavsumga oz fursad qolmoqda. “Buxoro” jamoasi muxlislar orasida tanlov e'lon qiladi. Jamoaga o'ziga xos laqab, taxallus topgan muxlis klub tomonidan taqdirlanadi. Muxlislar o'z varianlarini [email protected] pochtasiga yuborishlarini so'rab qolamiz. Bundan tashqari ushbu xabar chiqadigan turli ijtimoiy tarmoqlar va saytlarning kommentariy bo'limida izoh qoldirishlari mumkin. P.S: Laqab tanlanishida jamoa tarixiga, milliylik, viloyat tarixi va timsollariga urg'u qaratishlaringizni so'raymiz. Buxoro futbolining rivoji yo'lida har birimiz o'z hissamizni qo'shaylik.
— deya xabar beradi uff.uz nashri.