Bugun “Navbahor“ jamoasi "Obod" klubiga qarshi nazorat uchrashuvi o'tkazdi. Oliy liganing yangi vakili bilan "lochinlar" durang qayd etishdi. Birinchi bo'limda hisobni "navbahorchilar" ochishga muvaffaq bo'lishdi. Anvar Rajabovning amalga oshirgan jarima zarbasini raqib darvozaboni qaytarishga ojizlik qildi. Shundan so'ng "Obod" futbolchilari ikki bor darvozamiz to'riga to'p kiritishni uddasidan chiqishdi. Tanaffusga qadar 2:1 hisobi saqalanib qoldi. Ikkinchi bo'limda yana tashabbusni o'z qo'liga olgan Rashid G'ofurov shogirdlari hisobda muvozanatni tiklashni uddasidan chiqishdi. Zaxiradan maydonga tushgan Mo'ydin Mamazulumov hisobni tenglashtirgach "Obod" darvozasi oldida yana bir qator xavfli vaziyatlar yuzaga keldi. Ammo o'yin oxirigacha 2:2 hisobi o'zgarmay qoldi. Uchrashuvni "Navbahor" quyidagi tarkibda boshladi: Alibek Turobov, Tohir Shamsiddinov, Igor Golan, Xayrullo Karimov, Obid Jo'raboev, A'zam Aliev, Nodir Mavlonov, Akram Baxritdinov, Anvar Rajabov, Shoxjaxon Abbosov, Oleksandr Pishur. Zaxiradan maydonga tushganlar: Sardor Azimov, Aziz G'ulomxo'jaev, Dilshod Jabborov, Timur Ayupov, Qaxramon Maxamadjonov, Otabek Valijonov, Sanjar Asqaraliev, Alisher Mahmudov, Mo'ydin Mamazulumov.
— deya xabar beradi uff.uz nashri.